VII Andaina contra a violencia de xénero "Camiño ao respecto" (DOMINGO 24 DE NOVEMBRO ÁS 11:00 HORAS)
Publicada elSecretaría Xeral para o Deporte
Dentro das liñas de actuación a desenvolver, ao abeiro do convenio asinado entre a Secretaría Xeral para o Deporte e a Secretaría Xeral da Igualdade, para levar a cabo as medidas previstas no Pacto de Estado contra a Violencia de Xénero, vaise organizar a VII ANDAINA CONTRA A VIOLENCIA DE XÉNERO "CAMIÑO AO RESPECTO" (DOMINGO 24 DE NOVEMBRO ÁS 11:00 HORAS EN SANTIAGO DE COMPOSTELA), co gallo do Día Internacional contra a violencia de xénero. É moi importante a presenza de todo o deporte galego neste evento para consolidar a campaña do NON Á VIOLENCIA DE XÉNERO, iniciada no pasado mes de marzo.
Por tal motivo, pedímosvos que lle trasladedes esta invitación aos clubs, deportistas, xuíces-árbitros/as e directivos/as, para que poidan participar na Andaina.
Achégase como anexo a invitación así como o plano do espazo do Monte do Gozo desde onde sairá a andaina.
Para participar é necesario que cubrades o formulario deste enlace http://www.andainaigualdadexunta.gal